ხელვაჩაურში კაცი ყოფილი ცოლის დაჭრის ბრალდებით დააკავეს. ახალგაზრდა ქალს ჭრილობა დანით ბეჭის არეში აქვს მიყენებული. მამაკაცი ცხელ კვალზე დააკავეს.
35 წლამდე ქალი კლინიკაშია მოთავსებული, მისი მდგომარეობა სტაბილურია. თვითმხილველების განცხადებით, მამაკაცი ადგილიდან მიმალვას ცდილობდა, თუმცა მას ამის საშუალება თვითმხილველებმა არ მისცეს.
„კივილის ხმა შემოგვესმა – რომ გავიხედეთ, ქალი იყო დაჭრილი, ძირს ეგდო და ზურგი ჰქონდა სისხლიანი. შოკში იყო, ვერაფერი თქვა. სასწრაფო გამოვიძახეთ და გადაიყვანეს. მამაკაცი გაქცევას ცდილობდა, სამარშრუტო ტაქსი გააჩერა, მძღოლი მიხვდა და არ წავიდა“, – განაცხადეს ადგილზე.
გამოძიება ოჯახის წევრის მიმართ დამამძიმებელ გარემოებაში ჩადენილი ჯანმრთელობის დაზიანების მუხლით დაიწყო.
კომენტარები