შეერთებული შტატების სამხედრო საჰაერო ძალების ხელმძღვანელი რუსეთს ქვეყნის ნომერ პირველ საფრთხედ მიიჩნევს. განცხადება დებორა ჯეიმსმა სააგენტო Reuters-ისთვის მიცემულ ინტერვიუში გააკეთა.
“ვფიქრობ, რომ რუსეთი ნომერ პირველი საფრთხეა შეერთებული შტატებისთვის. რა თქმა უნდა, სხვა საფრთხეებიც არსებობს, მაგრამ რუსეთის ბირთვული ასპექტის გამო, ის შესაძლოა ამერიკისთვის არსებობის საფრთხეს წარმოადგენდეს. ბოლო წლების განმავლობაში რუსეთის ქმედებებმა გამოავლინა განზრახვები, რომელიც შეერთებულ შტატებს აღელვებს. ჯერ კიდევ სამი წლის წინ ჩვენ აქტიურად ვთანამშრომლობდით რუსეთთან სხვადასხვა მიმართულებით, მაგრამ მოხდა ყირიმში შეჭრა და ყველაფერი შეიცვალა,“ – განაცხადა აშშ-ის სამხედრო საჰაერო ძალების მდივანმა, დებორა ლი ჯეიმსმა.
კომენტარები