კონკრეტული პარტიის წარმომადგენლები, კონკრეტული პოლიტიკოსები შედიან კონკრეტულ კაბინეტებში და იმ კაბინეტებიდან გამოდის კონკრეტული უარყოფითი გზავნილები, რაც არის მათი აგიტაციის და პროპაგანდის შედეგი რაც ძალიან სამწუხარო მოვლენაა, – ამის შესახებ „ქართული ოცნების“ თავმჯდომარემ, ირაკლი კობახიძემ ჟურნალისტებთან განაცხადა.
„იგივე ხდებოდა ვიზალიბერალიზაციის პროცესის დროს, სანამ მივიღებდით ჩვენ ამ სტატუსს. მე დარწმუნებული ვარ რომ ისინი სულმოუთქმელად ელოდებიან იმას, რომ საქართველოს არ მიანიჭებს ევროკავშირი კანდიდატის სტატუსს. მე მჯერა, რომ ეს ასე არ მოხდება, მაგრამ, ასევე მჯერა იმის, რომ მათი მოლოდინი არის განსხვავებული ერთი მარტივი მიზეზის გამო – ისინი ხედავენ საკუთარ პოლიტიკურ შანსს ამ ყველაფერში. მათ არ აინტერესებთ ქვეყნის მომავალი, აინტერესებთ ერთადერთი რამ – არეულობა, გადატრიალება და ბოლოს ომის ჩვენს ქვეყანაში“, – განაცხადა კობახიძემ.