ჩვენ ვიმსჯელეთ სამიტზე ენერგორესურსებზე ფასების დასაწევად მისაღებ ზომებზე და განვიხილავთ ყველა შესაძლო ვარიანტს, – ამის შესახებ ლატვიის პრემიერ-მინისტრმა კრიშიანის კარინიშმა განაცხადა. მისი თქმით, საუკეთესო გზა ენერგორესურსებზე ფასების დასაწევად რუსეთის მიერ დაწყებული ომის დასრულებაა.
„უკრაინელები საკუთარ სიცოცხლეს სწირავენ ომს და დანარჩენი ევროპა საფასურს ჩვენი საფულეებით ვიხდით. ძალიან ძნელია ამ ორი მოცემულობის შედარება. ინფლაციის ზეწოლა ქვეყნებზე გამოწვეულია რუსეთის ფედერაციის მიერ უკრაინის წინააღმდეგ დაწყებული ომით. ეს კარგად უნდა დავიმახსოვროთ. ლიდერები იღებენ ზომებს ჩვენი მოქალაქეების დასახმარებლად, რათა ინფლაციის ტკივილი შეუმსუბუქონ. უკეთესი იქნება საერთო მიდგომა შევიმუშაოთ, რადგან უფრო მეტად ეფექტიანი იქნება. ამავე დროს, ძალიან რთულია ომის განვითარების პროგნოზი, როგორი იქნება ინფლაციის მასშტაბი და რა გავლენა ექნება პროცესებს ცენტრალურ ბანკზე. საზოგადოების მოწყვლადი ნაწილის დახმარება ნომერი პირველი ამოცანაა და განსაკუთრებით მათი ხელშეწყობა უნდა შევძლოთ. საუკეთესო გზა ენერგორესურსებზე ფასების დასაწევად რუსეთის მიერ დაწყებული ომის დასრულებაა, უკრაინაში რუსეთის შეჩერება და რუსი ჯარისკაცების უკრაინის ტერიტორიიდან გასვლა. ჩვენ ვიმსჯელეთ სამიტზე ენერგორესურსებზე ფასების დასაწევად მისაღებ ზომებზე და განვიხილავთ ყველა შესაძლო ვარიანტს. მაგალითად, კოლექტიურად შესყიდვის შესაძლებლობებს ან სხვა მექანიზმებს. ეს საშუალო და გრძელვადიან პერიოდს ეხება. ყველა უნდა კარგად გვახსოვდეს, რომ რუსეთის მიერ დაწყებული ომის გამო შეიქმნა ეს სიტუაცია და ამიტომ პუტინის ომის დასრულება უნდა შევძლოთ. მე არ ველოდები ევროზონის კრიზისს. ამ ეტაპზე ვერ ვხედავ ვერცერთ ნიშნავს, რაც შეიძლება ევროზონის ღრმა კრიზისის საფუძველი გახდეს“, – განაცხადა ლატვიის პრემიერმა.