უკრაინის ხელისუფლების განცხადებით, გამოააშკარავეს რუსეთის საჯაშუშო ქსელი, რომელშიც ჩართული იყო უკრაინის კანონმდებელი, ანდრიი დერკაჩი, რომელსაც აშშ-ის სანქციები ჰქონდა დაწესებული და რომელსაც აშშ-მა ადრე ბრალად დასდო, რომ რუსეთის ჯაშუში იყო.
უკრაინის უშიშროების სამსახურის მიერ 25 ივნისს გაკეთებული განცხადების თანახმად, დერკაჩმა შექმნა დაცვის კერძო ფირმების ქსელი, რომელიც უკრაინაში რუსეთის ქვედანაყოფების შესვლისას დახმარებას უწევდნენ მათ 24 თებერვალს რუსეთის არმის უკრაინაში შეჭრის პერიოდში. დერკაჩთან დაკავშირება ვერ მოხერხდა. ის ადრე უარყოფდა ბრალდებებს, და აცხადებდა, რომ მას სდევნიან კორუფციის გამო. უცნობია მისი ადგილსამყოფელი.
უკრაინის უშიშროების სამსახური ეყრდნობა პარლამენტში დერკაჩის ასისტენტის, იჰორ კოლიჰაევის ჩვენებას. ის ომის დაწყებისას დააკავეს ბრალდებით, რომ დერკაჩსა და რუსეთის სამხედრო დაზვერვას შორის შუამავლობდა.
2020 წლის სექტემბერში დერკაჩის წინააღმდეგ აშშ-ის ფინანსთა სამინისტროს მიერ დაწესდა სანქციები მცდელობისთვის, ზეგავლენა მოეხდინა აშშ-ის საპრეზიდენტო არჩევნებზე 2020 წელს.