საქალაქო სასამართლოში, საინფორმაციო სააგენტო “ექსკლუზ ნიუსი”-ს დამფუძნებელის დარეჯან ლიპარტელიანის წინააღმდეგ, -დავით ვაშაძის სარჩელის განხილვა უნდა ყოფილიყო. საქმეს მოსამართლე ასმათ კოხრეიძე განიხილავს. სასამართლო პროცესი 3 ივლისისთვის გადაიდო, პროცესის გადადების შესახებ, შუამდგომლობა დავით ვაშაძემ დააყენა.
ლიპარტელიანის მიერ წარდგენილი მოწმის დაკითხვა, სასამართლოზე ვერ მოხერხდა და მისი დაკითხვა, სასამართლოს შემდეგი სხდომისთვის გადაიდო.
მოსამართლე ასმათ კოხრეიძემ, დავით ვაშაძის სარჩელის განხილვა “ექსკლუზივ ნიუსი”-ს რედაქტორის დარეჯან ლიპარტელის წინააღმდეგ, 2017 წლის 3 ივლისს გადადო. სასამართლო პროცესი სწორედ ამ დღეს გაიმართება.
შეგახსენებთ, რომ 2014 წელს, საინფორმაციო სააგენტო “ექსკლუზივ ნიუსმა” გამოაქვეყნა სტატია, სათაურით – “გიორგი ვაშაძის ძმა გათხოვდა?!” დავით ვაშაძემ ხსენებული სტატიის გამო, საინფორმაციო სააგენტო “ექსკლუზივ ნიუსი”-სა და მისი დამფუძნებლის, – დარეჯან ლიპარტელიანის წინააღმდეგ, სასამართლოში სარჩელი შეიტანა. მოსამართლე ასმათ კოხრეიძემ, გასულ წელს, სასამართლო პროცესზე დარეჯან ლიპარტელიანის დაუსწრებლობის გამო, სასამართლო გადაწყვეტილება ვაშაძის სასარგებლოდ გამოიტანა და სააგენტოს დამფუძნებელს დავით ვაშაძის სასარგებლოდ 10 000 ლარის გადახდა დააკისრა.
საინფორმაციო სააგენტო “ექსკლუზივ ნიუსი”- დამფუძნებელმა დარეჯან ლიპარტელიანმა სასამართლოს მიერ გამოტანილი გადაწყვეტილება გაასაჩივრა. მოსამართლე ასმათ კოხრეიძემ ლიპარტელიანის შუამდგომლობა დააკმაყოფილა და პროცესის არსებითი განხილვა დაიწყო. დარეჯან ლიპარტელიანმა დავით ვაშაძის მხარეს თავისი ადვოკატის საშუალებით მოლაპარაკება შესთავაზა, გაითვალისწინა რა დავით ვაშაძის მიმართ საზოგადოებაში შექმნილი მდგომარეობა, საიტის პროგრამა შეცვალა და ინტერნეტ-სივრციდან წაშალა ხსენებული სტატია, მიუხედავად კომპრომისისა, დავით ვაშაძემ მორიგებაზე კატეგორიული უარი განაცხადა.
“ექსკლუზივ ნიუსი” კი, თავის დანაპირებს ასრულებს და სასამართლო პროცესის მსვლელობის ყველა დეტალი, საზოგადოებისთვის ცნობილი გახდება.
სასამართლო პროცესი 2017 წლის 3 ივლისს განახლდება.