ჰააგის სისხლის სამართლის საერთაშორისო სასამართლომ აგვისტოს ომის საქმეზე ე.წ. სამხრეთ ოსეთის სამი მაღალჩინოსნის დაპატიმრების ორდერები გასცა.
წინასასამართლო პალატამ პროკურორის 2022 წლის 10 მარტის შუამდგომლობა დააკმაყოფილა და დაპატიმრების ორდერები გაიცა გენერალ-ლეიტენანტ მიხაელ მინძაევზე, რომელიც დე ფაქტო სამხრეთ ოსეთის შინაგან საქმეთა მინისტრად მსახურობდა; გამლეტ გუჩაზოვზე, რომელიც დე ფაქტო სამხრეთ ოსეთის შინაგან საქმეთა სამინისტროს წინასწარი დაკავების დაწესებულების უფროსის პოსტს იკავებდა და დავით სანაკოევზე – სამხრეთ ოსეთის დე ფაქტო რესპუბლიკის პრეზიდენტის წარმომადგენელზე ადამიანის უფლებათა საკითხებში.
როგორც დაკავების ორდერშია აღნიშნული, არსებობს გონივრული საფუძველი, რომ ეჭვმიტანილებს ეკისრებათ პასუხისმგებლობა ომის დანაშაულების ჩადენაში.
კომენტარები