ბათუმში, კორპუსის ჩამონგრევის საქმეზე დაკავებულები სასამართლომ დამნაშავეებად ცნო. ბინის მესაკუთრეს ოთხი წლით, მუშებს კი სამ-სამი წლით პატიმრობა შეეფარდათ.
სასამართლოს გადაწყვეტილებას არ იზიარებს ადვოკატი და აცხადებს, რომ კორპუსის ჩამონგრევა უკანონო მშენებლობებმა გამოიწვია. გამოძიების ინფორმაციით კი, საცხოვრებლის ჩამონგრევა პირველ სართულზე მიმდინარე სამუშაოებს უკავშირდებოდა.
ტრაგედია ბათუმში გასული წლის 8 ოქტომბერს მოხდა – 26 მაისის ქუჩაზე, კორპუსის ერთი სადარბაზო მთლიანად ჩამოინგრა, რის შედეგადაც 9 ადამიანი, მათ შორის სამი არასრულწლოვანი დაიღუპა.
კომენტარები