ეიფელის კოშკი დაჟანგდა და სრულ შეკეთებას საჭიროებს, თუმცა 2024 წლის ოლიმპიური თამაშების წინ, მას მხოლოდ კოსმეტიკურად ღებავენ, რაც 60 მილიონი ევრო ჯდება, – წერს CNN-ი გავრცელებულ ინფორმაციაზე დაყრდნობით.
„ექსპერტების კონფიდენციალური ანგარიშების მიხედვით, ძეგლი ცუდ მდგომარეობაშია და ჟანგითაა სავსე“, – წერს CNN-ი.
324 მეტრის სიმაღლის კოშკი, რომელიც გუსტავ ეიფელმა მე-19 საუკუნის ბოლოს ააგო, მსოფლიოში ყველაზე ხშირად მონახულებად ტურისტულ ადგილებს შორისაა. მას ყოველწლიურად ექვსი მილიონი ვიზიტორი სტუმრობს.
„გუსტავ ეიფელი რომ ამ ადგილს სტუმრებოდა, გულის შეტევა დაემართებოდა“, – ამბობს კოშკის ერთ-ერთი მენეჯერი, რომლის ვინაობასაც მედია არ ასაჯაროებს.
კომპანია SETE, რომელიც კოშკის ზედამხედველობაზეა პასუხისმგებელი, კომენტარს არ აკეთებს.
წელს კოშკს, თავისი არსებობის ისტორიაში, უკვე მე-20-ედ ღებავენ