რა გახდა 7 წლის ბავშვის გარდაცვალების მიზეზი – უკვე ჩატარდა შესაბამისი ექსპერტიზა, ცხედარი კი სამეგრელოში უკვე გადაასავენეს. უმძიმესი ტრაგედია გუშინ თბილისში, მანაგაძის კლინიკაში მოხდა. უროლოგიის ეროვნულ ცენტრში, საოპერაციოდ მომზადების დროს, ბავშვი ანესთეზიის გაკეთების შემდეგ დაიღუპა.
ოჯახი მომხდარში კლინიკის მედ პერსონალს ადანაშაულებს. გარდაცვლილი ბავშვის დედა კი დეტალებს კიდევ ერთხელ იხსენებს:
წინა დღეს გაუკეთეს, გუშინწინ გაუკეთეს ყველა ანალიზი, ყველაფერი აუღეს და ყველაფერი კარგი ჰქონდა. გუშინ დილის 9 საათზე დაგვიბარეს, რომ ბავშვი უჭმელი მიგვეყვანა და ოპერაცია ჩატარებულიყო. 12-ს რომ აკლდა [წუთები], გამოგვიძახეს საოპერაციოდ. მე ზევით ავყევი ბავშვს, ნარკოზის გაკეთების დროს ბავშვმა მითხრა, ნარკოზის ნემსი რომ შეუყვანეს, მაშინათვე თქვა ბავშვმა, დედა ვიხრჩობიო. ასე მოიკიდა ხელი, ვიხრჩობიო და თვალი გადააბრუნა.
მე გარეთ გამომიყვანეს უცებ, ეს ნარკოზმა იცისო. მე არ ვიცოდი. არ ვიცოდი, თორემ არ დავტოვებდი. ქირურგიული ჩატარება მოხდა მაგრამ გართულება მოჰყვაო, მომატყუეს. მე ჩემს შვილს გავხადე და არ იყო ქირურგიული ჩარევა, საერთოდ არ იყო ხელი მოკიდებული ბავშვზე.
ნარკოზის გაკეთების დროს დამიღუპეს შვილი. ზედმეტი გაუკეთეს, ზედმეტი. თუ არ იცოდნენ, რატომ გაუკეთეს. გავასაჩივრებ, ის ნარკოზისტი შემახვედროთ. აუცილებლად გავასაჩივრებ და ექსპერტი გაუკეთებს ჩემს შვილს და რის ნიადაგზე მოხდა ეს ყველაფერი, მე უნდა ვიცოდე, – ამბობს ბავშვის დედა.