მსურს, მივუსამძიმრო ჩვენ მტრებს, წლევანდელი ტურისტული სეზონი იქნება ყველაზე წარმატებული, -ასე უპასუხა აჭარის მთავრობის თავმჯდომარემ, თორნიკე რიჟვაძემ კითხვას ბოლო პერიოდში რუსეთის მოქალაქეების დიდი რაოდენობით შემოსვლასთან დაკავშირებით.
თორნიკე რიჟვაძემ ტურისტული სეზონი შეაფასა და აღნიშნა, რომ წლევანდელი სეზონი იქნება ყველაზე წარმატებული ისტორიაში.
„მსურს, მივუსამძიმრო ჩვენ მტრებს, რომ ჩვენი ეკონომიკა და ტურიზმი ძალიან სწრაფად დაუბრუნდა პანდემიამდე არსებულ მდგომარეობას. ის მიზანმიმართული კამპანია, პროპაგანდა, რაც მიმდინარეობს, მიზნად ისახავს მხოლოდ ერთადერთს, რომ როგორმე მოახდინონ ჩვენი ხალხისა და ჩვენი ქვეყნის მტრებმა სეზონის ჩაშლა. ჩვენ ყველაფერს გავაკეთებთ, რომ ეს პროვოკაციები იყოს თავიდან აცილებული და წლევანდელი ტურისტული სეზონი იქნება ყველაზე წარმატებული“, – განაცხადა თორნიკე რიჟვაძემ.