პოლონეთში საქართველოს მოქალაქე საეჭვო ვითარებაში იპოვეს გარდაცვლილი.
წარმოშობით სენაკელი 35 წლის ზურაბ ქვარცხავას ცხედარი მეგობრებმა მის სახლში აღმოაჩინეს.
საქართველოს მოქალაქეზე ძებნა მას შემდეგ გამოცხადდა, რაც ქვარცხავასთან დაკავშირება რამდენიმე დღის განმავლობაში ვერც ოჯახმა და ვერც მეგობრებმა ვერ მოახერხეს.
35 წლის ქართველი მამაკაცი ცოტა ხნის წინ ექსპერტიზის ბიუროში გადაასვენეს. ექსპერტებმა უნდა დაადგინონ, აქვს თუ არა ცხედარს ძალადობის კვალი, იყო ეს მკვლელობა თუ თვითმკვლელობა.
„პირველები“ გარდაცვლილის ახლობლებს ესაუბრა.
მათი თქმით, მომხდართან დაკავშირებით ბევრი ვერსია არსებობს.
„მოკლესო, გვითხრეს. აქ იყო 10 დღის უკან. ვესაუბრე… აქ გაიზარდა, სულ ჩვენთან იყო. ინფორმაცია მოვიდა, ბინაში მოკლესო. სხვა არაფერი ვიცი“…, – ამბობს ქვარცხავას მეზობელი.
„საქართველოში იყო ჩამოსული და აქედან რომ ჩავიდა, დილით ვერ გააღვიძეს. ძმა ჰყავს, რომელიც პოლონეთში ცხოვრობს, დედა და მამა გარდაცვლილები არიან. ის ისეთი ბიჭი იყო, არ შეიძლება, მასთან კონფლიქტი ჰქონოდა. “ – ამბობს ქვარცხავას კიდევ ერთი მეზობელი.
ზურაბ ქვარცხავა პოლონეთში წლების განმავლობაში ცხოვრობდა ოჯახთან ერთად და საქართველოში პერიოდულობით ჩამოდიოდა.
ჯერჯერობით უცნობია, როდის ჩამოასვენებენ გარდაცვლილი ჯემალ ქვარცხავას ცხედარს საქართველოში