შინდისის ბრძოლიდან 14 წელი გავიდა. შინდისში გმირთა მემორიალთან, დაღუპულთა ოჯახის წევრები და ხელისუფლების წარმომადგენლები იკრიბებიან. ადგილზე თავდაცვის მინისტრი ჯუანშერ ბურჭულაძეც მივიდა, რომელმაც განაცხადა, რომ დღევანდელი დე გმირების ხსოვნის დღედ დაწესდება.
„14 წლის წინ აქ მოხდა ტრაგედია. თუმცა დღეს, 14 წლის შემდეგ ჩვენ ვართ ამაყები ჩვენი გმირებით. მინდა მადლობა გადავუხადო ჩვენი გმირების მშობლებს, ოჯახის წევრებს, რომ სამშობლოს ასეთი ადამიანები გაუზარდეს. მოხარული ვარ, რომ საზოგადოების უფრო დიდი ნაწილი იაზრებს ყოველ წელიწადს თუ რა გმირობა ჩაიდინეს მათ ჩვენი სამშობლოსთვის, რა ღვაწლი აქვთ და ეს დღე დაწესდება როგორც ჩვენი გმირების ხსოვნის დღე“, – განაცხადა ბურჭულაძემ.
2008 წლის 11 აგვისტოს, ქართველი სამხედროების წინააღმდეგ რუსმა ჯარისკაცებმა თითქმის ყველა სახის იარაღი გამოიყენეს. რუსულ სამხედრო ნაწილთან უთანასწორო შეტაკების დროს, 17 ქართველი ჯარისკაცი დაიღუპა.