„დარწმუნებული ვარ, თითოეულ თქვენგანს უკვე უფიქრია იმაზე, როგორ მოიქცეს, თუ რუსეთი გამოიყენებს ე.წ. ტაქტიკურ ბირთვულ იარაღს. იფიქრეთ ამაზეც. რუსეთს შეუძლია, ისტორიაში ყველაზე დიდი რადიაციული ავარია გამოიწვიოს ზაპოროჟიეს ატომურ ელექტროსადგურზე. რეალური შედეგების თვალსაზრისით, ეს შეიძლება, იმაზე კატასტროფული იყოს, ვიდრე – ჩერნობილი“, – აცხადებს უკრაინის პრეზიდენტი.
ვოლოდიმირ ზელენსკის თქმით, რუსეთის წინააღმდეგ სანქციები უნდა გამკაცრდეს და არავინ არ უნდა დაუშვას მათთვის გვერდის ავლა.
„ვერც ერთი ჩვენგანი ვერ შეაჩერებს რადიაციის გადამტან ქარს, მაგრამ ჩვენ, ერთად, შეგვიძლია, შევაჩეროთ ტერორისტული სახელმწიფო. რაც უფრო მალე შევაჩერებთ რუსეთს, მით უფრო მალე შეძლებენ ევროპა და მსოფლიო, თავი კვლავ უსაფრთხოდ იგრძნონ“, – აცხადებს ზელენსკი.
კომენტარები