აღმოსავლეთ ალეპოდან მოსახლეობის ევაკუაცია შეჩერდა. ამის შესახებ სააგენტო „როიტერი“ იუწყება. სირიის სახელმწიფო ტელევიზიის ინფორმაციით, ამბოხებულებმა ტყვეების წაყვანა გადაწყვიტეს და ამით შეთანხმებები დაარღვიეს.
თავის მხრივ, ამბოხებულები შიიტ მოხალისეებს ავტობუსების მიმართულებით ცეცხლის გახსნაში ადანაშაულებენ.
ამასთან, ჯანდაცვის მსოფლიო ორგანიზაციის წარმომადგენლის ელისაბედ ხოფის განცხადებით, „ოპერაციის შეწყვეტის ბრძანება რუსებისგან მოდის, რომლებიც სიტუაციას აკვირდებიან“.
„როიტერის“ კორესპონდენტი იუწყება, რომ იმ ადგილის სიახლოვეს, სადაც ლტოლვილებით სავსე ავტობუსები გადაადგილდებოდა, რამდენიმე აფეთქების ხმა გაისმა.
კომენტარები