ევროკავშირის სასაზღვრო სააგენტოს (Frontex) მონაცემებით, რუსეთში გამოცხადებული ნაწილობრივი მობილიზაციის შემდეგ, ევროკავშირში შესული რუსეთის მოქალაქეების რიცხვი გაიზარდა.
„გასული კვირის განმავლობაში, რუსეთის თითქმის 66 000 მოქალაქე ევროკავშირის ტერიტორიაზე შევიდა, რაც 30%-ზე მეტია წინა კვირასთან შედარებით. მათი [რუსეთის მოქალაქეების] უმეტესობა ფინეთსა და ესტონეთში ჩავიდა“, – ნათქვამია უწყების განცხადებაში.
უწყებაში ასევე აღნიშნავენ, რომ მხოლოდ ბოლო ოთხი დღის განმავლობაში, ფინეთში რუსეთის 30 000 მოქალაქე ჩავიდა.
„Frontex-ის შეფასებით, საზღვრის უკანონო გადაკვეთა სავარაუდოდ გაიზრდება, თუ რუსეთი გადაწყვეტს საზღვრის დახურვას პოტენციური წვევამდელებისთვის“, – აღნიშნულია განცხადებაში.
კომენტარები