დეპუტატმა დავით ზილფიმიანმა პარლამენტის პლენარულ სხდომაზე დღეს პოლიტიკური განცხადება გააკეთა.
„კაცობრიობის ისტორიაში არაერთხელ ყოფილა ეპოქალური მოვლენები. ჩვენი თაობა დღეს ვცხოვრობთ ძალიან დიდი ეპოქალური მოვლენის – ევროპაში გაჩაღებული დიდი ომის პერიოდში.
ეს არის კოლექტიური და კომპლექსური ომი, დასავლეთისა რუსეთის წინააღმდეგ. თავისი ფინანსებით, რესურსებით, სამხედრო ტექნიკით და ცოცხალი ძალით. ეს ომი არ დასრულდება რუსეთის ამბიციების დაკმაყოფილებით. რამდენიმე კვირის წინ, სწორედ ამით გამოწვეულ საფრთხეებზე გესაუბრეთ.
რაც შეეხება დასავლეთს, ამ ტიპის ომებში სრულიად გამარჯვებულები არ არსებობენ. დასავლეთში რეცესია გარდაუვალი იქნება. ყოველივე ამის ფონზე, ჩვენი ქვეყანა ახერხებს უკრაინისადმი კოლექტიური დახმარებისა და თანადგომის ფონზე შეინარჩუნოს, ეკონომიკური პროგრესი და სტაბილურობა. ყველაზე მნიშვნელოვანი რაც შეიძლება ასეთ სიტუაციაში იყოს, არის სტაბილურობა და ეროვნული თანხმობა, როგორც პოლიტიკოსებისა ასევე, ერისა და ბერისა. ასევე მინდა ავღნიშნო, რომ არასოდეს ისეთი ალბათური არ ყოფილა ჩვენი დაკარგული რეგიონების ჩვენს წიაღში დაბრუნების შესაძლებლობა, როგორც ახლა. იმ შემთხვევაში თუ ჩვენ სტაბილურობას შევინარჩუნებთ შემდგომი კეთილდღეობის გაზრდით, ხოლო იქ კიდევ უფრო დამძიმდება ომით გამოწვეული პრობლემები. არავისთვის დამალული არ არის, რომ გარკვეული ჯგუფების მიერ, არსებობს საქართველოში შესაძლო მეორე ფრონტის, დესტაბილიზაციის ან არეულობის სურვილი, რაც გასაკვირი არ არის.
როგორც წესი, ყველაფერს მოყვება მოხმარების ინსტრუქცია, მათ შორის ზოგიერთ ფინანსურ წყაროსაც. სანამ ამ წყაროს ზოგიერთი მომხმარებელი ისარგებლებს წყაროთი, მისი უკეთ გაცნობაა საჭირო, ინსტრუქციაში დესტრუქციის ვალდებულება ხომ არ ყველაფერი არ იყიდება ბატონებო“ – განაცხადა დავით ზილფიმიანმა.
„სანამ ფინანსური წყაროს ზოგიერთი მომხმარებელი ამით ისარგებლებს, მისი უკეთ გაცნობაა საჭირო, ინსტრუქციაში დესტრუქციის ვალდებულება ხომ არ დევს“
2022/10/04 15:21:25
კომენტარები
ნანახია: 213 ჯერ