ე.წ.ნავთლუღის სპეცოპერაციის საქმეზე თბილისის საქალაქო სასამართლოს გადაწყვეტილება სპეცოპერაციის დროს მოკლული ახალგაზრდების მშობლებისთვის მიუღებელია.
“მეგონა, რომ დათა ახალაის და გია დგებუაძეს თუ სამუდამოს არა, მინიმუმ 25 წელს მიუსჯიდნენ. ეს არ არის სამართლიანობის აღდგენა, 12 წელს უსჯიან ყაჩაღობისთვის ადამინებს. ხომ არ ვითხოვ ჩემი მკვდარი შვილის გაცოცხლებას, ვითხოვ დაისაჯონ ადამიანები უდანაშაულო ბიჭების დახოცვისთვის. მიწაში ჩავაწვინე 21 წლის უდანაშაულო ბავშვი, დათა ახალაია კი დადის თავისუფლად. აუცილებლად გავასაჩივრებთ ამ გადაწყვეტილებას, სტრასბურგამდე რომ მომიწიოს თავიდან ჩასვლა, მაინც დავსჯი დამნაშავეებს”, – განაცხადა ნავთლუღის სპეცოპერაციაზე დაღუპული ახალგაზრდის მამამ ოთარ სურმანიძემ.
ე.წ. ნავთლუღის სპეცოპერაციის საქმეზე თბილისის საქალაქო სასამართლომ დათა ახალიას 12 წლით, გია დგებუაძეს, იგივე “მასტერას” კი, 9-წლიანი პატიმრობა შეუფარდა.