დიდი ხანია რაღაც ჯგუფი, პოლიტიკოსების გარკვეული ნაწილი, ზნეობრივ ზღვარს გადავიდა და უმძიმეს განცხადებებს აკეთებს, – ამის შესახებ დეკანოზმა ალექსანდრე გალდავამ „ქრონიკას“ განუცხადა.
მისივე თქმით, ამ პოლიტიკოსების განცხადებები ერთადერთ საქმეს, ეკლესიის დისკრედიტაციას ემსახურება.
„აღნიშნული განცხადებები ერთადერთ საქმეს ემსახურება, რომ ისინი თავისი შრომით, საქმიანობით ვერ აღწევენ წარმატებას. მხოლოდ ასეთი ეპატაჟური გამოხტომებით უნდათ, რომ მიიზიდონ ადამიანების ყურადღება. ეკლესიის, კონკრეტულად, პრაქტიკულად პატრიარქის შეურაცხყოფით სურთ, დაიწერონ ხალხში რაღაც დივიდენდები“, – განაცხადა დეკანოზმა, ალექსანდრე გალდავამ.
დედათა მონასტერში მომხდარ ძალადობის უმძიმეს ფაქტთან დაკავშირებით დეკანოზ ანდრია ჯაღმაიძის მიერ გავრცელებულ განცხადებას სოციალურ ქსელში შეურაცხმყოფელი კომენტარები მოჰყვა.
ცხრამუხის დედათა მონასტერში ყაჩაღობისა და მონაზონზე სექსუალური ძალადობის ფაქტის გამო სამართალდამცავებმა ორი ბრალდებული დააკავეს.