შალვა პაპუაშვილი მიხელ სააკაშვილის ოჯახის მიერ კომპანია „გლობალ პოინტთან“ კონტრაქტის გაფორმებას გამოეხმაურა. ამ თემაზე კომენტარი პარლამენტის თავმჯდომარემ გერმანიაში გააკეთა, სადაც ვიზიტით იმყოფება.
„მისი მეგობრები შინ და გარეთ ცდილობენ, რომ ყველანაირად აარიდონ იმ სამართლიან სასჯელს, რომელიც ქართულმა მართლმსაჯულებამ გამოუტანა, მათ შორის ადამიანის უფლებათა ევროპული სასამართლოს გადაწყვეტილებაზე დაყრდნობით, რომელიც გირგვლიანს საქმეს შეეხებოდა. ზოგადად, სანამ სააკაშვილი უკანონოდ შემოვიდოდა საქართველოში, ვხედავდით მფარველობას, რომ ის ასცდენოდა მართლმსაჯულებას და მას შემდეგ, რაც ის ქართული მართლმსაჯულების აღსრულების პროცესშია, მის მიმართ არის გარკვეული მფარველობა, რომ რამენაირად დაიხსნან იმ კანონიერი სასჯელისგან, რომელიც მის წინააღმდეგ არის გამოტანილი“, – განაცხადა პაპუაშვილმა.
გიული ალასანიამ ხელშეკრულება გააფორმა ამერიკულ კომპანიასთან, რომელიც პიარ-კამპანიას გაუწევს სააკაშვილის ქვეყნიდან გაყვანას.