კრემლის პროპაგანდისტი თინა კანდელაკი იუნესკოს მიერ ბორშის უკრაინულ კერძად ოფიციალურად აღიარებას გამოეხმაურა და თქვა, რომ „ამას დღის წესრიგი მოითხოვდა“.
კანდელაკს მიაჩნია, რომ ბორში რუსული წვნიანია და არა უკრაინული.
კრემლის პროპაგანდისტმა თქვა, რომ წარმოშობით უკრაინელმა ჰოლივუდის ვარსკვლავმა მილა კუნისმაც კი თქვა, რომ ბორში რუსულია.
„ფრანგული ბაგეტი – იუნესკოს არამატერიალური მემკვიდრეობის სიაში ვერ მოხვდა. მიმდინარე წლის 1-ელ ივლისს ბორში კი შეიტანეს არამატერიალური მემკვიდრეობის სიაში. ამას როგორც დღის წესრიგი მოითხოვს, შეიტანეს როგორც უკრაინული კერძი.
გულს ვერ უბრძანებ, ხალხის გულში ბორში რუსული წვნიანია ჭარხლით. ასე უწოდა მას მსახიობმა მილა კუნისმა, რომელმაც მეუღლესთან ეშტონ კატჩერთან ერთად 3 მილიონი დოლარი შესწირა უკრაინელ ლტოლვილებს.
ამის მიუხედავად, რუსული წვნიანით ვიდეოს გამოქვეყნებიდან ერთი თვის შემდეგ, კუნისმა არამხოლოდ ბორშს, არამედ „ვარენიკსაც“ და პელმენსაც რუსული უწოდა“, – ამბობს კანდელაკი ტელეგრამარხზე.