პროცესები, რომელიც ჩვენთან ახლა მიმდინარეობს და არის დიდწილად გამოწვეული რუსული იმპერიის გადარჩენის განწირულ მცდელობებთან, გვაჩვენებს, რომ ჩვენ გავდივართ რუსული სივრციდან, – ამის შესახებ ეკონომისტი გიორგი ცუცქირიძე სოციალურ ქსელში წერს.
როგორც მან აღნიშნა, რუსული ბოროტების და ყველაზე ანტიქრისტიანული იმპერიის ისტორიის დასასრულთან ერთად, ქართული სივრცის დაბრუნება ჩვენი ვალი უნდა გახდეს.
„პროცესები, რომელიც ჩვენთან ახლა მიმდინარეობს და არის დიდწილად გამოწვეული რუსული იმპერიის გადარჩენის განწირულ მცდელობებთან, გვაჩვენებს, რომ ჩვენ გავდივართ რუსული სივრციდან. ბუნებრივია, ამ დონის გეოპოლიტიკური ცვლილებები აისახებოდა და აისახა კიდევ ერის მენტალურ ხასიათზე.
ფემიციდის მომრავლებული შემთხვევებიც ამაზე მიუთითებს, არ არის შემთხვევითობა, რადგან ქართული სამყარო რუსულ იმპერიაში ინტეგრაციამდე არასდროს ამ ფენომენისადმი ასერიგ მიდრეკილი არ ყოფილა! და არც ლიბერალური დასავლეთის ზეგავლენის შედეგია, აქ ანტიდასავლური დისკურსის ნაწილად რომ არის ქცეული. ის, რასაც ე.წ. მართლმადიდებელი რუსეთი, რუსული ეკლესიისვე ხელდასმით უკრაინაში ჩადის, ქალთა მკვლელობის თუ გაუპატიურების სახით, არც ქრისტინობასთან და არც ჰუმანიზმთან საერთო არაფერი აკავშირებს!
პირიქით, ქართული მსოფლმხედველობა და ყოფა მატრიარქალური იყო, ისევე როგორც კავკასიური ეთნოსისა და ყოველთვის ქალის თაყვანისცემისაკენ და იდეალიზაციისაკენ იყო მიდრეკილი. ქრისტიანობა და ღვთისმშობლის თაყვანისცემაც, წმინდა ნინოს განმანათლებლად აქ შემოსვლაც არ ყოფილა შემთხვევითი, ისევე როგორც თამარის გამეფება საქართველოში!
ტერმინოლიგიურადაც – დედამიწა, დედაშვილობა, დედაკაცი, დედაბოძი თუ დედოფალი სწორედ ქართული ეთნოსის და ქართული სივრცის აღქმის ისტორიულ საფუძველს ეყრდნობოდა.
მართალია, დრომ ბევრი რომ შეცვალა, მაგრამ რუსული ბოლო, თან ბოროტების და ყველაზე ანტიქრისტიანული იმპერიის უკრაინაში დასავლეთთან უცილობელი დამარცხების და თავისი ისტორიის დასასრულთან ერთად, ქართული სივრცის დაბრუნებაც ჩვენი ვალი უნდა გახდეს, რადგან ყველა დიდი ერიც სწორედ საკუთარი ისტორიის წიაღში დაბრუნებით იქცა ასეთად და არა მხოლოდ სხვათა ნგრევის მოლოდინად!
და რადგან ეს საკითხი ასე აქტუალურია, დავძენ, რომ თუ ტყვეთა გაყიდვის პრაქტიკა მუსულმანური კულტურის ექსპანსიის შედეგები იყო, ამიტომაც მაგ სივრციდან როცა გავედით იყო პროგრესი და ერეკლეს პოლიტიკური მესა, ახლა კი, დროა, რუსული დრომოჭმული სივრციდანაც გავიდეთ!“, – წერს გიორგი ცუცქირიძე Facebook-ზე.