2017 წლის 1 იანვარს აშშ-ის შტატ კალიფორნიაში ახალი კანონპროექტი გამოიცა, რომლის მიხედვითაც, პროსტიტუციაში ჩართულ არასრულწლოვნებს აღარ დააკავებენ. ამ კანონპროექტმა აზრთა სხვადასხვაობა გამოიწვია. ნაწილის თქმით, ეს ახალგაზრდებში პროსტიტუციის დაკანონების ტოლფასია.
დემოკრატი სენატორის ჰოლი მიჩელის თქმით, ეს კანონი არასრულწლოვნების უფლებების დაცვის მიზანს ემსახურება.
პროსტიტუციის მიმართ ქვეყნებს სხვადასხვა დამოკიდებულება აქვთ. როგორც წესი, ამ მიმართულებით სამი ტიპის ქვეყნები გამოიყოფიან:
- ქვეყნები, სადაც პროსტიტუცია ლეგალიზებულია
- ქვეყნები, სადაც პროსტიტუცია არ რეგულირდება
- ქვეყნები, სადაც პროსტიტუცია არალეგალურია
მაგალითად, ჰოლანდიაში პროსტიტუცია ლეგალიზებულია და ამით, ქვეყანა საკმაოდ დიდ მოგებასაც ნახულობს. ლატვიაში პროსტიტუცია ლეგალიზებულია, თუმცა ე.წ. ბორდელების ფლობა დანაშაულად ითვლება.
ინტერაქციულ რუკაზე სპეციალური სტატისტიკა შექმნეს, სადაც მსოფლიოს სხვადასხვა ქვეყანაში, პროსტიტუციის სტატუსია ასახული.
თურქეთში პროსტიტუცია ლეგალურიცაა და არალეგალურიც. ეს დამოკიდებულია სპეციალურ ლიცენზიაზე, რომლის მოპოვებაც საკმაოდ რთულია. ლეგალური და კონტროლირებული პროსტიტუციაა გერმანიასა და შვეიცარიაში. საქართველოში კი, პროსტიტუცია არალეგალურია. თუმცა, კონტროლის მექანიზმები კანონმდებლობაში ნაკლებადაა ჩადებული.