თურქეთის პრეზიდენტი რეჯეფ თაიფ ერდოღანი სტიქიის შედეგად ყველაზე მეტად დაზარალებულ ქალაქ ქაჰრამანმარაშში ჩავიდა. ინფორმაციას ამის შესახებ თურქული მედია ავრცელებს.
ერდოღანის განცხადებით, ხელისუფლებამ ყველა რესურსის მობილიზება მოახდინა, ცენტრალური ხელისუფლება მუშაობს მუნიციპალიტეტებთან და მიწისძვრის შედეგების აღმოფხვრის პროცესში ყველა საჭირო ზომა იქნება მიღებული.
მისივე განცხადებით, ბოლო მონაცემების თანახმად, თურქეთში მიწისძვრას 8 574 ადამიანი ემსხვერპლა, 49 133 კი დაშავდა. განადგურებულია 6 444 შენობა.
კომენტარები