აშშ–ის პრეზიდენტი ბარაკ ობამა ჩიკაგოში მომხდარ ფაქტს, სადაც რამდენიმე ადამიანმა შეზღუდული შესაძლებლობების მქონე პირი გაიტაცა და მას რამდენიმე დღის განმავლობაში აწამებდნენ, გამოეხმაურა. ობამას განცხადებით, ეს ფაქტი „აშიშვლებს პრობლემებს, რომლებიც ქვეყანაში არსებობს“.
ცნობისთვის, ჩიკაგოს პოლიციამ ორ მამაკაცს და ორ ქალს ადამიანის გატაცებისთვის და მისი წამებისთვის ბრალი წაუყენა. წამების ვიდეოები ფეისბუქში ვრცელდებოდა. გამოძიების ინფორმაციით, ჩიკაგოს ერთ–ერთ ბინაში გამტაცებლები 18 წლის თეთრკანიან ახალგაზრდას 2 დღის განმავლობაში აწამებდნენ. მას უნიტაზიდან წლის დალევას აიძულებდნენ და სასტიკად სცემდნენ. ამასთან ერთად გამტაცებლები, რომლებიც შავკანიანები არიან, პერიოდულად რასისტულ მოწოდებებს და შეურაცხყოფებს ყვიროდნენ აშშ–ის არჩეული პრეზიდენტის, დონალდ ტრამპის მიმართ.
ბარაკ ობამა განცხადებას ავრცელებს
2017/01/06 12:28:28
ნანახია: 1684 ჯერ