“ცენტრ პოინტის” საქმის განხილვა ბრალდებულ მაია რჩეულიშვილის მონაწილეობის გარეშე გაგრძელდება.
მოსამართლე მაია შოშიაშვილმა არ დააკმაყოფილა დაცვის მხარის შუამდგომლობა სასამართლო პროცესის გადადების შესახებ იქამდე, ვიდრე “ცენტრ პოინტის” დამფუძნებელი და ხელმძღვანელი მაია რჩეულიშვილი არ შეძლებს პროცესში მონაწილეობას.
როგორც მოსამართლემ განმარტა, ბრალდებულის განცხადებას, რომ სუსტად ყოფნის გამო ვერ დაესწრება დღევანდელ პროცესს, არ ერთვის ექიმის დასკვნა, რომლითაც რეალურად დასტურდება, რომ მაია რჩეულიშვილი შეუძლოდ ყოფნის გამო ვერ გამოცხადდა დღევანდელ სასამართლო პროცესზე. აქედან გამომდინარე მოსამართლემ არ დააკმაყოფილა დაცვის მხარის შუამდგომლობა პროცესის გადადებასთან დაკავშირებით და მიიღო გადაწყვეტილება დღევანდელი სასამართლო განხილვა ბრალდებულის დაუსწრებლად ჩატარდეს.