„ისლამური სახელმწიფოს“ „ბოევიკებმა“ ერაყის ქალაქ მოსულში, მდინარე ტიგროსზე, ყველა ხიდი ააფეთქეს. ამის შესახებ ტელეკომპანია Al-Sumaria-ს ერაყის შეიარაღებული ძალების პრესსამსახურმა აცნობა.
ცნობისთვის, ერაყის სამთავრობო ძალები 8 იანვარს მოსულში მდინარე ტიგროსის მარცხენა სანაპიროზე გავიდნენ, თუმცა მდინარეზე გადასვლა ჯერჯერობით ვერ მოახერხეს.
„ისლამური სახელმწიფო“ მოსულს 2014 წლიდან აკონტროლებს. მისი გათავისუფლების ოპერაცია ერაყის სამთავრობო ძალებმა 17 ოქტომბერს დაიწყეს.
კომენტარები