საქართველოს ექსპრეზიდენტს მიხეილ სააკაშვილს აშშ-ს პრეზიდენტის დონალდ ტრამპის ინაუგურაციაზე საპატიო ადგილი არ შეხვდა.
როგორც ჩანს, სააკაშვილმა დაცვის სამსახურის გავლა ვერ მოახერხა და შესაბამისად, მთავარ ცერემონიასაც ვერ დაესწრო. ამის შესახებ ინფორმაციას ინტერნეტგამოცემა „Страна”, დიპლომატიური მისიის – “ევროპული უკრაინის” პირველ ვიცე-პრეზიდენტ რეზაზადე ალი რეზაზე დაყრდნობით ავრცელებს.
ალი რეზაზა საზოგადოებას ახსენებს, რომ აშშ-ს ახალი პრეზიდენტის არჩევის შემდეგ, სააკაშვილმა აშშ-ს პრეზიდენტთან მეგობრობის შესახებ განაცხადა, რის დასტურადაც ტრამპის საქართველოში ვიზიტის ამსახველი ვიდეოც გაავრცელა.
„მე მისგან მოშორებით ვიყავი, მაგრამ ჩემმა მეგობრებმა დაინახეს, როგორ იმალებოდა „ჩამოგდებული მფრინავი“ ბუჩქებში. აშშ-ს პრეზიდენტის დიდი მეგობარი ძალიან შორს იდგა და დაცვის გავლასაც ვერ ახერხებდა, რადგან მას ახლოს არ უშვებდნენ“, – ამბობს რეზადადე.