“კანონმდებლობისა და კომპეტენციის ფარგლებში, მერია შესაძლებლობების მაქსიმუმს გააკეთებს დაზარალებულების დასახმარებლად”, – ამის შესახებ თბილისის მერმა, დავით ნარმანიამ „ბავშვთა სამყაროს“ დაზარალებულებთან დაკავშირებით განაცხადა.
თბილისის მერმა ასევე ხაზი გაუსვა საგამოძიებო მოქმედებების გაგრძელების მნიშვნელობას, რათა უახლოეს მომავალში პასუხი გაეცეს ყველა იმ კითხვას, რომლებიც მოვაჭრეებს აქვთ.
დავით ნარმანიამ აღნიშნა, რომ ამ დროისათვის, მიმდინარეობს შენობის ცალკეული ნაწილების დროებით გამაგრების სამუშაოები და სამართალდამცველების თანხლებით, ეტაპობრივად შედიან მოვაჭრეები გადარჩენილი ნივთების გამოსატანად. რაც შეეხება ბაზრობების ასოციაციის ჩართულობას, თბილისის მერის თქმით, გუშინ რამდენიმე ბაზრობის ადმინისტრაცია დაუკავშირდა მერიას და დაზარალებულებისთვის ალტერნატიული ფართების შეთავაზების შესახებ ინფორმაცია მიაწოდა.
კერძოდ, „ბავშვთა სამყაროს“ მოვაჭრეებს ისინი 3-დან 6-თვემდე შეღავათიან რეჟიმში მოემსახურებიან.
თბილისის მერის განცხადებით, კანონმდებლობისა და კომპეტენციის ფარგლებში, თბილისის მერია შესაძლებლობების მაქსიმუმს გააკეთებს, თუმცა ძირითადი და დიდი პასუხისმგებლობა აღნიშნული პრობლემების მოგვარებაში „ბავშვთა სამყაროს“ ადმინისტრაციას ეკისრება.
დავით ნარმანია – მერია შესაძლებლობების მაქსიმუმს გააკეთებს დაზარალებულების დასახმარებლად
2017/01/31 14:27:55
კომენტარები
ნანახია: 1323 ჯერ