სს ,,რუსთავის აზოტთან” სამსახურიდან გათავისუფლებული მუშების საპროტესტო აქცია გაიმართა.
„რუსთავის აზოტის“ ყოფილი თანამშრომლები საწარმოს ადმინისტრაციულ შენობასთან შეიკრიბნენ. ისინი სამსახურში აღდგენას და ქარხნის ხელმძღვანელობასთან შეხვედრას ითხოვდნენ, თუმცა მათ ამჯერადაც არავინ შეხვდა.
სს ,,რუსთავის“ ახალმა ხელმძღვანელობამ 27 იანვარს სამსახურიდან 350 მუშა გაათავისუფლა, საწარმოში დარჩენილ თანამშრომლებთან კი ახალი შრომითი ხელშეკრულებები გააფორმა. ,,აზოტიდან“ გათავისუფლებული თანამშრომლები აცხადებენ, რომ მათი სამსახურიდან გაშვება შრომითი კანონმდებლობის დარღვევით, ყოველგვარი წინასწარი გაფრთხილების გარეშე მოხდა და ისინი საკუთარი უფლებების დაცვის მიზნით საპროტესტო აქციებს პერმანენტულად გამართავენ.
გათავისუფლებული მუშები პროფკავშირების დახმარებით სასამრთლოში შესატანად სარჩელს ამზადებენ.