თურქეთის პოლიციამ ანტიტერორისტული ოპერაციის ფარგლებში აკრძალული „ქურთისტანის მუშათა პარტიის“ 599 წევრი დააკავა, – იუწყება საინფორმაციო სააგენტო „ანადოლუ“.
სპეცოპერაცია ორი დღის განმავლობაში ტარდებოდა. გავრცელებული ინფორმაციით, ქურთების მუშათა პარტიის წევრობის ბრალდებით, 544 ეჭმიტანილი თურქეთის 25 პროვინციაში დააკავეს, კიდევ 55 ადამიანის აყვანა დედაქალაქ ანკარაში, ასევე ვანის, ადანისა და აგრის პროვინციებში მოხდა.
თურქეთის გენშტაბის მონაცემებით, 2015 წელს თურქეთის ხელისუფლებასა და ქურთებს შორის განახლებული დაპირისპირების შედეგად, ქურთების მუშათა პარტიის 10 ათასამდე წევრი მოკლეს, ქურთების თავდასხმას კი 900 სამხედროს და პოლიციელის, ასევე 300-ზე მეტი სამოქალაქო პირის სიცოცხლე ემსხვერპლა.
კომენტარები