„პრაიმტაიმის“ ინფორმაციით, მესამე პირი, რომელიც ტელეკომპანია “რუსთავი 2”-ის გენერალური დირექტორის, ნიკა გვარამიას და მამუკა ახვლედიანის საუბარს ესწრებოდა, საქალაქო სასამართლოს ყოფილი თავმჯდომარის მამუკა ახვლედიანის მძახალი, მამუკა გუგეშაშვილი, იგივე „გუგეშაა“. თავად ახვლედიანი კი ამ ინფორმაციას „პრაიმტაიმს“ არ უდასტურებს და ამბობს, რომ მესამე პირი, რომლის სახლშიც ის ნიკა გვარამიას ესაუბრა, ხელისუფლებასთან დაახლოებული პირია. „სრული აბსურდია, რა შუაშია. არცერთ შემთხვევაში კავშირი არ აქვს ამ საუბართან. ეს ადამიანი, ვის ოჯახშიც ეს საუბარი იყო, ხელისუფლებასთან დაახლოებული პირია. დანარჩენი გამოძიებამ დაადგინოს“, – განაცხადა მამუკა ახვლედიანმა.
კომენტარები