შსს-ს დაცვის პოლიციის დეპარტამენტი, მაღალი საზოგადოებრივი ინტერესიდან გამომდინარე, აღმაშენებლის ხეივნის მე-8 კმ-ზე, რესტორან „ფორტუნაში“ 22 მაისს მომხდარ ინციდენტს ეხმაურება.
სოციალურ ქსელსა და ასევე, ინტერნეტში, სხვადასხვა საინფორმაციო სააგენტოს საშუალებით გავრცელდა ინფორმაცია, რომ ინციდენტში კოტე მარჯანიშვილის სახელობის თეატრის რეჟისორი და დაცვის პოლიციის თანამშრომლები მონაწილეობდნენ.
როგორც დაცვის პოლიციაში განმარტავენ, ფაქტის გადამოწმების შედეგად დადგინდა, რომ აღნიშნულ რესტორანს კერძო დაცვის ერთ-ერთი კომპანია იცავს.
„ინციდენტის დაწყების შემდეგ, გამოძახებზე, აღნიშნული კერძო კომპანიის ოპერატიული რეაგირების ჯგუფი გამოცხადდა. კერძო დაცვის სამსახურმა მომხდარის შესახებ შსს-ს საპატრულო პოლიციის დეპარტამენტს შეატყობინა. ადგილზე მისულ პატრულს სიტუაცია განმუხტული დახვდა. შსს-ს დაცვის პოლიცია გმობს ყოველგვარ ძალადობას. გარკვეული ჯგუფების მიერ აღნიშნულ ინციდენტში დაცვის პოლიციის დადანაშაულება არის დაცვის პოლიციის მიზანმიმართული დისკრედიტაცია. თხოვნით მივმართავთ საზოგადოების ყველა წევრს, მედიას, ხელოვნებს, მსგავსი ფაქტების დროს თავი შეიკავონ პოლიციელთა ცალსახა გადაუმოწმებელი დადანაშაულებისგან“,-აცხადებენ შსს-ს დაცვის პოლიციის დეპარტამენტში.
შსს-ს დაცვის პოლიცია რესტორან “ფორტუნაში“ მომხდარ ინციდენტს ეხმაურება
2016/05/25 20:30:57
კომენტარები
ნანახია: 2096 ჯერ