“ძალიან მკაცრად უნდა დაისაჯოს ყველა ის ადამიანი, ვინც ამ ვაკჰანალიაში მონაწილეობდა”

ძალიან მკაცრად უნდა დაისაჯოს ყველა ის ადამიანი, რომელიც ბათუმში მომხდარ ვაკჰანალიაში მონაწილეობდა, – ასე ეხმაურება პრეზიდენტის პრესსპიკერი ეკა მიშველაძე ბათუმში მიმდინარე მოვლენებს.
“ამ საკითხზე ვარაუდებს ვერ გამოვთქვამთ. რა თქმა უნდა, მნიშვნელოვანია სიტყვისა და გამოხატვის თავისუფლება, მაგრამ როგორც კი ის სცდება საზღვრებს, საჭიროა დროული და სწორი რეაგირება. ასევე ძალიან მკაცრად უნდა დაისაჯოს ყველა ის ადამიანი, ვინც ამ ვაკჰანალიაში მონაწილეობდა. ველით სიტუაციის კარგ ანალიზს დასაწყისიდან ბოლომდე”, – განაცხადა მიშველაძემ.
მან იმედი გამოთქვა, რომ გამოძიება ბოლომდე იქნება მიყვანილი და ყველა ადამიანი, ვისაც ბრალი მიუძღვის – დასჯილი.