სამხედრო ექსპერტი ტრისტან წითელაშვილი ბათუმის მოვლენებზე საქართველოს ექსპრეზიდენტის მიხეილ სააკაშვილისა და აჭარის მთავრობის ყოფილი მეთაურის ლევან ვარშალომიძის ფარული სატელეფონო ჩანაწერების გავრცელებას აანონსებს.
ექსპერტის განმარტებით, ჩანაწერში ჩანს, თუ როგორ ითხოვს სააკაშვილი ბათუმში გამართული აქციაზე მსხვერპლს, რათა შემდეგ ხალხის ქუჩაში გამოყვანა მოხდეს.
“უკრაინელმა კოლეგებმა მომაწოდეს ინფორმაცია, რომ უმოკლეს ხანში დაიდება სოციალურ ქსელებში მიხეილ სააკაშვილისა და ლევან ვარშალომიძის სატელეფონო საუბრები, სადაც ექსპრეზიდენტი მსხვერპლს ითხოვს, რათა მოსახლეობა ქუჩაში გამოეყვანათ”, – განაცხადა წითელასვილმა “პირველ პრესკლუბში.
მისი თქმით, სააკაშვილს უკრაინის ხელისუფლება უსმენს, შესაბამისად, ჩანაწერებს მეზობელი სახელმწიფო გაავრცელებს.
“მიხეილ სააკაშვილს, ბუნებრივია, უკრაინაში უსმენენ. მით უმეტეს, როცა ის ოპოზიციაში გადავიდა და ხელისუფლებასთან დაპირისპირებაშია. ამიტომ, როგორც ყოველთვის უკრაინის მხრიდან ვრცელდებოდა სატელეფონო საუბრები, უმოკლეს ხანში იმ საუბრებს დადებს უკრაინული მხარე, რა საუბრები სააკაშვილს ჰქონდა მელიასთან და ვარშალომიძესთან”, – აღნიშნა ტრისტან წითელაშვილმა.
წითელაშვილის მტკიცებით, მას სატელეფონო ჩანაწერი ჯერ არ მოუსმენია.
11-12 მარტის ღამეს, ბათუმში, სამართალდამცველების მიერ ერთ-ერთი მოქალაქის დაჯარიმების შემდეგ, მოქალაქეების აქცია გაიმართა, რაც სამართალდამცველებთან დაპირისპირებაში გადაიზარდა. მომიტინგეებმა ე.წ. მოლოტოვის კოქტეილეი გამოიყენეს და მანქანები დაწვეს, მათ შორის სამართალდამცავი უწყების მფლობელობაში არსებული. აქციის დასაშლელად სპეციალური დანიშნულების რაზმმა ცრემლსადენი გაზი და რეზინის ტყვიები გამოიყენა. ბათუმის ქუჩებში უკონტროლო სიტუაცია დაახლოებით 8 საათვის განმავლობაში გრძელდებოდა. საბოლოო ჯამში, სამართალდამცავებმა მომიტინგეების უკონტროლო ქმედება აღკვეთეს და 40-მდე მოქალაქე დააკავეს. ბათუმში განვითარებული მოვლენების შედეგად ათობით ადამიანი დაშავდა და ქალაქს 150 ათასი ლარის ოდენობის ზარალი მიადგა.