თბილისში, 22 მარტს მომხდარი ავარიის მონაწილე მძღოლი დაკავებულია. ამის შესახებ ინფორმაციას შსს-ს საზოგადოებასთან ურთიერთობის დეპარტამენტის ხელმძღვანელი თეა პერტაია ავრცელებს.
“22 მარტს, თბილისში, აღმაშენებლის ხეივანზე მომხდარ ავტოსაგზაო შემთხვევაში მონაწილე მძღოლი დაკავებულია”, – წერს პერტაია სოციალურ ქსელში.
22 მარტს მომხდარ ავარიას მცირეწლოვანის სიცოცხლე ემსხვერპლა.
ერთმანეთს ორი ავტომობილი შეეჯახა, რის შემდეგაც ერთ-ერთი ავტომობილი ბორდიურზე მდგომ დედა-შვილს დაეჯახა.
შინაგან საქმეთა სამინისტროში აცხადებენ, რომ ფაქტზე გამოძიება სისხლის სამართლის კოდექსის 276- ე მუხლის მე-5 ნაწილით მიმდინარეობს (ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც გამოიწვია ადამიანის სიცოცხლის მოსპობა).
კომენტარები