ბანგლადეშის ჩრდილო-აღმოსავლეთში, ქალაქ სილხეტში მომხდარ აფეთქებას 6 ადამიანი ემსხვერპლა და 50 დაშავდა.
აფეთქებაზე პასუხისმგებლობა „ისლამურმა სახელმწიფომ“ აიღო. დაღუპულთა შორის 2 პოლიციელია. რამდენიმე დაჭრილის მდგომარეობა კრიტიკულია.
სამართალდამცველებმა ქალაქში ექსტრემისტული დაჯგუფება ორი დღის წინ აღმოაჩინეს და ალყა შემოარტყეს. ტერორისტები 5-სართულიან საცხოვრებელ სახლში დაბანაკდნენ, სადაც იმ დროისთვის 70 ადგილობრივი მცხოვრები იმყოფებოდა.
კომენტარები