ბრალდებული დანაშაულს აღიარებს და მომხდარს ნანობს, – ამის შესახებ ჟურნალისტებს აღმაშენებლის ხეივანში მომხდარ ავარიაში მონაწილე მძღოლის ადვოკატმა ლევან კვინიკაძემ განუცხადა.
„არავისთვის საფრთხეს არ წარმოადგენს ეს ადამიანი. თორნიკე ნანობს მომხდარს და ურჩევნია, რომ არ იბრძოლოს, თავი არ იმართლოს, შესაბამისად იყოს პატიმრობაში“, – განაცხადა ადვოკატმა ლევან კვინიკაძემ.
აღმაშენებლის ხეივანში მომხდარ ავარიაში მონაწილე მძღოლს აღკვეთის ღონისძიების სახით დღეს პატიმრობა შეეფარდა. აღნიშნული გადაწყვეტილებით მოსამართლემ სრულად გაიზიარა პროკურატურის შუამდგომლობა ბრალდებულისთვის აღკვეთის ღონისძიების სახით პატიმრობის შეფარდების თაობაზე.
აღმაშენებლის ხეივანში გასულ კვირას მომხდარ ავტოსაგზაო შემთხვევას 8 წლის გოგონას სიცოცხლე ემსხვერპლა. მძიმედაა დაშავებული არასრულწლოვნის დედა.