“მე ვფიქრობ, დღეს ჩვენ ძალიან ღიად გავაღეთ ევროპის კარი, დაგვიდგა ევროპული გაზაფხული, ევროპამ მიგვიღო ჩვენი ტრადიციით, აწყმყოთი და მომავლით”– განაცხადა საპარლამენტო ურავლესობის წევრმა ლევან გოგიჩაიშვილმა საქართველოსთვის უვიზო რეჟიმის ამოქმედების შეფასებისას.
“ძალიან ბევრი რამ გაკეთდა, რომ ეს გზა გაგვევლო, პოლიტიკოსების და დიპლომატების ძალიან ბევრმა თაობამ ძალიან ბევრი იშრომა, რომ ჩვენ ეს გზა გაგველო.
ასევე, არ უნდა დავუკარგოთ წვლილი ჩვენ საზოგადოებას, ვინც ამ წლების განმავლობაში ევროპულ კურსს მხარს უჭერდა, მხარში ედგა საქართველოს მთავრობებს და ეს კურსი არ დამდგარა კითხვის ნიშნის ქვეშ.
რაც ეხება წვლილს, ჩვენ ძალიან გვახარებს, რომ ეს მოხდა ჩვენი ხელისუფლების პირობებში და მინდა პირადად მივულოცო გიორგი კვირიკაშვილს, ასევე ჩვენ გუნდს და იმ ადამიანებს, ვინც ძალიან ბევრი იშრომა მას შემდეგ, რაც “ქართული ოცნება მოვიდა ხელისუფლებაში, წინა და ახალი მოწვევის პარლამენტს”– განაცხადა საპარლამენტო უმრავლესობის წევრმა.
მანვე ისაუბრა ყოფილი ხელისუფლების ცალკეულ წარმომადგენლებზეც, რომლებიც, საქართველოს შესახებ ევროპის საბჭოში მიღებულ ყველა რეზოლუაციაზე ქვეყნის საწინააღმდეგოდ მისცეს ხმა.
“ევროპის საბჭოში, ოპოზიციის სახით წარმოდგენილი იყვნენ დავით ბაქრაძე და გიორგი კანდელაკი, რომლებსაც ყველა რეზოლუაციაზე საწინააღმდეგოდ აქვთ ხმა მიცემული.
ეს დასტურდება დოკუმენტებით, ასევე ხშირ შემთხვევაში, ადგილი ჰქონდა უფლებამონაცვლეობას, როდესაც შემოჰყავდათ მათდამი ლოიალური და მხარდამჭერი დეპუტატები, რომლებიც ასევე საქართველოს საწინააღმდეგოდ აძლევდნენ ხმას.
ძალიან აქტიურობდა, სარიუშ ვოლსკი, რომელიც ევროპის სახალხო პარტიის ერთ-ერთი თავმჯდომარე იყო და პირდაპირ გვემოქრებოდა, რომ თუ, რაღაცეები ისე არ მოხდება, როგორც ჩვენ გვინდა, მაშიმ ჩვენ გავაკეთებთ ყველაფერს, რომ საქართველომ უვიზო მიმოსვლა არ მიიღოს”- განაცხადა ლევან გოგიჩაიშვილმა.