დღეს ძლიერმა ქარმა ოზურგეთის მუნიციპალიტეტის 25-მდე სოფელში მოსახლეობა დააზარალა. მსხვერპლი არ არის,- ამის შესახებ ინფორმაციას ოზურგეთის მუნიციპალიტეტის გამგეობა ავრცელებს.
გამგეობის ცნობით, გადახდილია კერძო საცხოვრებელი სახლებისა და მრავალბინიანი კორპუსების სახურავები დაბა ლაითურსა და ნარუჯაში, სოფელ ოზურგეთში, დვაბზუში, მაკვანეთში, კონჭკათში, მერიაში, ბოხვაურში, შემოქმედის თემის სოფელ კვირიკეთში, მელექედურში, გურიანთასა და სხვა სოფლებში. წაქცეულია მრავალწლოვანი ხეები და ელექტრო ბოძები.
გადახდილია სოფელ დვაბზუს საბავშვო ბაღის სახურავი. რამდენიმე სოფელს არ მიეწოდება ელექტროენერგია.
ადგილზე იმყოფებიან გამგებლის მოადგილეები ბადრი გობრონიძე და არჩილ ყაზაიშვილი.
ინფრასტრუქტურისა და არქიტექტურის სამსახურის თანამშრომლები ყველა ლოკაციაზე იმყოფებოდნენ.