ენგურის ხიდთან დაკავებული დარეჯან როგავა, ზუგდიდის სასამართლომ 250 ლარიანი ჯარიმის საფუძველზე გაათავისუფლა.
ზუგდიდის სასამართლომ როგავას საქმე ადმინისტრაციულ სამართალდარღვევათა კოდექსის 166-ე და 173-ე მუხლებით განიხილა, რაც წვრილმან ხულიგნობას და პოლიციისთვის წინააღმდეგობის გაწევას გულისხმობს.
შეგახსენებთ, რომ სამართალდამცველებმა ელგუჯა როგავას და, დარეჯან როგავა ენგურის ხიდთან მიმდინარე აქციაზე დააკავა. აქციის მონაწილეებმა გზის ჩაკეტვა სცადეს, თუმცა პოლიციამ მათ ამის საშუალება არ მისცა, რასაც სამართალდამცველებსა და როგავების ოჯახს შორის სიტყვიერი და ფიზიკური დაპირისპირება მოჰყვა.
კომენტარები