“საგზაო მოძრაობის უსაფრთხოება გამოწვევაა მთელი მსოფლიოსთვის”, – ამის შესახებ შინაგან საქმეთა მინისტრმა, გიორგი მღებრიშვილმა საგზაო მოძრაობის უსაფრთხოების კვირეულის გახსნაზე განაცხადა.
”გზა დასავლეთისკენ ჩვენი საზოგადოების არჩევანია. ეს არის არჩევანი, რომელიც კანონის პატივისცემაზე გადის და პირველ რიგში, სწორედ საგზაო მოძრაობის უსაფრთხოების წესების დაცვას გულისხმობს. თუმცა მიმაჩნია, რომ ეს ის პრობლემაა, რომლის დასაძლევად მხოლოდ სამართალდამცველთა მაქსიმალური ჩართულობაც კი არ არის საკმარისი, თუკი არ იქნება თითოეული მოქალაქის ნება, გავუფრთხილდეთ ერთმანეთს”, – განაცხადა გიორგი მღებრიშვილმა.
ღონისძიებას საგზაო მოძრაობის სფეროში მომუშავე არასამთავრობო სექტორისა და მედიის წარმომადგენლები ესწრებიან.
კვირეულის ფარგლებში, სხვადასხვა აქტივობაა დაგეგმილი და ეხება საგზაო მოძრაობის შესახებ კანონში შეტანილ ცვლილებებს, რომელიც 1-ელი ივლისიდან ამოქმედდება.
1-ელ ივლისს თითოეულ მართვის მოწმობას ენიჭება 100 ქულა. საქართველოს ტერიტორიაზე საგზაო მოძრაობის სფეროში ადმინისტრაციული სამართალდარღვევის ჩადენა იწვევს მართვის მოწმობაზე დარიცხული ქულების შემცირებას.
გიორგი მღებრიშვილი – ეს არის არჩევანი, რომელიც კანონის პატივისცემაზე გადის
2017/05/08 12:05:55
ნანახია: 1215 ჯერ