სახელმწიფო უსაფრთხოების სამსახურის ხელმძღვანელის ვახტანგ გომელაურის განცხადებით, სუს-ის ოპერატიულ-ტექნიკური სააგენტოს ხელმძღვანელის კანდიდატურა პრემიერ-მინისტრს დასამტკიცებლად დღესვე წარედგინება.
როგორც გომელაურმა განაცხადა, კობა კობიძის კანდიდატურა სპეციალურმა კომისიამ სამი კანდიდატიდან აირჩია.
„კანონის შესაბამისად ჩატარდა კომისიის სხდომა, სადაც წარდგენილი იქნა სამი კანდიდატი. იმ მრავალი კანდიდატებიდან შერჩეული იყო სამი საუკეთესო კანდიდატი, აქედან მოხდა ერთ-ერთის არჩევა. ეს გახლავთ ბატონი კობა კობიძე, რომელიც დღესვე იქნება წარდგენილი ბატონ პრემიერთან, იგი დანიშნავს სახელმწიფო უსაფრთხოების სამსახურის ოპერატიულ-ტექნიკურ სააგენტოს ხელმძღვანელად“,- განაცხადა გომელაურმა.
სპეციალურმა კომისიამ სსიპ საქართველოს ოპერატიულ-ტექნიკური სააგენტოს უფროსის თანამდებობაზე კობა კობიძის კანდიდატურა დაამტკიცა.