,,მინდა ცალსახად გამოვრიცხო, რომ აზერბაიჯანელი ჟურნალისტის საქმეში შსს-ს თანამშრომლები იყვნენ ჩართულნი”, – ამის შესახებ შს მინისტრმა გიორგი მღებრიშვილმა ექსკლუზიურად ,,პრაიმტაიმს” აზერბაიჯანელი ჟურნალისტის აფგან მუხთარლის საქმეზე კომენტირებისას განუცხადა.
მისი თქმით,ამოღებულია ვიდეოჩანაწერები, სადაც პოლიციისტანსაცმლიანი პირის მიმდებარე ტერიტორიაზე მოძრაობა არ დასტურდება.
გიორგი მღებრიშვილი, შს მინისტრი: ,,საერთოდ, როგორ ფიქრობთ, მოვლენათა ყველაზე წარმოუდგენელი განვითარების შემთხვევაშიც, კრიმინალური პოლიცია, თავისი ფორმით, იტაცებს ადამიანს დღისით-მზისით, ქალაქის ცენტრში და ამას ვერავინ ხედავს. ამ ვერსიას თეორიულადაც კი ვერ დავუშვებ. ამასთანავე, ჩვენ, სასამართლოს განჩინების საფუძველზე, ამოვიღეთ აფგან მუხთარლის მიერ ადვოკატისთვის დასახელებულ ლოკაციებსა და ყველა სავარაუდო მარშრუტზე განთავსებული ვიდეოკამერების ჩანაწერები, გამოვკითხეთ უამრავი პირი…
– რა ირკვევა ამ ჩანაწერებით?
– დარწმუნებით შემიძლია გითხრათ, რომ პოლიციისტანსაცმლიანი ადამიანის მოძრაობა მიმდებარე ტერიტორიებზე დროის მოცემულ მონაკვეთში საერთოდ არ ფიქსირდება.
გიორგი მღებრიშვილის სრული ინტერვიუ წაიკითხეთ გაზეთ ,,პრაიმტაიმის” ორშაბათის ნომერში.