ტექნიკური სამუშაოების ჩატარების მიზნით, თბილისის რამდენიმე ქუჩას ხვალ გაზმომარაგება შეუწყდება.
20 ივნისს, 10:00 საათიდან, გაზმომარაგება შეუწყდება: გლდანის რაიონში, სოფელი გლდანი, ნიკოლოზ ბარათაშვილის, ვასილ გულისაშვილის, ზაქარია მაისურაძის, კოტე მარჯანიშვილის, კარლო მებაღიშვილის, ნიკოლოზ ტიხონოვის, მიხეილ წინამძღვრიშვილის, მიხეილ ხერგიანის ქუჩების და თიანეთის გზატკეცილზე მცხოვრებ კერძო სექტორის მოსახლეობის ნაწილს და აღნიშნულ ტერიტორიაზე განთავსებულ კომერციულ ობიექტებს.
გაზის მიწოდება 18:00 საათიდან, სამუშაოების დასრულებისთანავე ეტაპობრივად აღდგება.
შპს “ყაზტრანსგაზ-თბილისი“ ბოდიშს უხდის აბონენტებს დისკომფორტისთვის და მოუწოდებს მათ, არ დატოვონ უყურადღებოდ გაზის დანადგარები, ხოლო ონკანები ჰქონდეთ დაკეტილ მდგომარეობაში.
”მოქალაქეების მიერ უსაფრთხოების წესების შეუსრულებლობით გამოწვეულ შედეგებზე შპს “ყაზტრანსგაზ-თბილისი“ პასუხისმგებელი არ არის”,- აცხადებენ კომპანიაში.