ქერჩის 22 ნომერში ტრაგედია მოხდა. 6 წლის ბავშვი სახლის ფანჯრიდან გადმოვარდა და ადგილზე გარდაიცვალა.
,პრაიმტაიმმა“ მომხდარის შესახებ დეტალების გარკვევა სცადა. როგორც გახდა ცნობილი, გარდაცვლილი ლუკა ჩაგუნავაა. ის სახლში მამასთან, ბორია ჩაგუნავასთან და ორ ძმასთან ერთად ცხოვრობდა, მათ შორის ერთ-ერთი მისი ტყუპისცალი იყო.
მეზობლები ყვებიან, რომ დედამ შვილები მიატოვა და გათხოვდა, გარდაცვლილ შვილზე და მის ტყუპისცალზე კი ამბობდა ჩემი დის შვილები არიანო.
,,ამის მიზეზი სავარაუდოდ ის იყო, რომ ორივე ძმები აუტისტური სპექტრის მქონე ბავშვები არიან“, – ყვებიან ,,პრაიმტაიმთან“ მეზობლები.
შვილებს მამა ზრდიდა. როგორც ბორის ჩაგუნავას კარის მეზობელი ჰყვება, ის ბავშვებს კარგად უვლიდა, ფრთხილობდა და კარს და ფანჯარას ღიას არ ტოვებდა.
,,შემთხვევის დღეს შვილს საჭმელი აჭამა და სამზარეულოში გავიდა, ფანჯარა ღია იყო, ყველაფერი წამებში მოხდა და ბავშვი გადავარდა ფანჯრიდან. ყველანი შოკში ვართ“, – ამბობს ერთ-ერთი მეზობელი.
შემთხვევას სხვა თვითმხილველებიც იხსნებენ. ,,მეგონა ბალიში თუ იყო და რომ დაეცა დავინახე, რომ ბავშვი იყო“, – ამბობს ერთ ერთი თვითმხილველი.
,,პრაიმტაიმის“ ინფრომაციით, გარდაცვლილი ბავშვი უკვე სახლში მიასვენეს. გამოძიება დაწყებულია 115-ე მუხლით, რაც თვითმკვლელობამდე მიყვანას გულისხმობს.