“რუსეთის ქმედებებს ჩვენ ვუპირისპირებთ ჩემს ვიზიტს, პრეზიდენტის მყარ პოზიციას, რომელიც ეხება ჩვენს მტკიცე ღირებულებებს და დარწმუნებული ვარ, რომ მივაღწევთ უკეთეს ურთიერთობებს, გვექნება უკეთესი მომავალი და უფრო მშვიდობიანი მსოფლიო”, – აღნიშნა აშშ-ის ვიცე-პრეზიდენტმა გიორგი კვირიკაშვილთან ერთად გამართული პრესკონფერენციის დროს.
„პრეზიდენტი ტრამპი აუხლოეს პერიოდში ხელს მოაწერს ახალ სანქციებს რუსეთის წინააღმდეგ. ჩვენ რა თქმა უნდა, თავისებურად შეშფოთებულები ვიყავით და მოვისმინეთ შეშფოთება კონგრესის მხრიდან, რომ მოქნილობის ტრადიციული ელემენტები არ იყო ჩადებული, რადგან ეს გახლავთ ამერიკის საგარეო პოლიტიკის ერთ-ერთი მიმართულება. თუმცაღა, გაიარა რა წარმომადგენელთა პალატა, უფრო დაიხვეწა აღნიშნული კანონპროექტი და ჩვენი აზრით, მოცემული კანონპროექტი არა მხოლოდ კანონის სახეს შესძენს სანქციებს რუსეთის წინაღმდეგ, რომელსაც ჩვენი ადმინისტრაცია მხარს უჭერს, არამედ კიდევ უფრო გააღრმავებს არსებულს და აშშ-ის პრეზიდენტს და სახელმწიფო დეპარტამენტს მისცემს შესაძლებლობას და მოქნილობის საშუალებას წარმართოს ამერიკის საგარეო პოლიტიკა ქვეყნის ინტერესებიდან გამომდინარე“,- განაცხადა მაიკ პენსმა.
როგორც პენსმა განმარტა, სანქციების პაკეტზე პრეზიდენტისა და კონგრესის ხელმოწერა შეიძლება ჩაითვალოს, რომ პრეზიდენტიც და კონგრესიც ერთიანი პოზიციით გამოდიან.
„ის საკითხები, რომლებზეც პრეზიდენტმა ვარშავაში ნათლად განაცხადა, შესულია ამ დოკუმენტის ჩარჩოებში, მაგრამ რუსეთი კვლავ აგრძელებს ასეთი ტერორიზმის მხარდაჭერი სახელმწიფოების მხარდაჭერას“,- განაცხადა აშშ-ის ვიცე-პრეზიდენტმა.