ფინანსთა სამინისტროს შემოსავლების სამსახურის მებაჟე ოფიცრებმა, 24-26 ივლისს, საბაჟო გამშვებ პუნქტებში „კარწახი“ და ,,სადახლო-საავტომობილო“, ეჭვის საფუძველზე, საქართველოში შემომავალი თურქეთისა და სომხეთის მოქალაქეების, ა.ჰ-სა და ა.ც-ს კუთვნილი ავტომანქანების დათვალიერებისას, ცეცხლსასროლი იარაღი, მჭიდი და ვაზნები (ჯამში 130 ცალი ვაზნა) აღმოაჩინეს.
ფინანსთა სამინისტროს შემოსავლების სამსახურის ინფორმაციით, საქმე შემდგომი რეაგირების მიზნით, შინაგან საქმეთა სამინისტროს შესაბამის ერთეულებს გადაეცათ.
კომენტარები