ამერიკის ვიცე-პრეზიდენტი მაიკ პენსი „ღირსეული პარტნიორი 2017“-ის ღონისძიებას დაესწრო, სადაც განაცხადა, რომ საქართველოს გვერდით დგას, რადგან ქართული ანდაზა ამბობს – „ძალა ერთობაშია“.
როგორც მან აღნიშნა, სიონის საკათედრო ტაძარში, რომელიც ათასი წლის წინ აშენდა, ეს არის სიმბოლო ათასწლეულის რწმენის, რომელიც ამ ქვეყანას აძლიერებდა.
„თქვენს გვერდით ვდგავართ, რადგან ქართული ანდაზა ამბობს – „ძალა ერთობაშია“. შესაბამისად, ერთად უფრო ძლიერები ვიქნებით. ჩვენი შემართება გამყარდება ერთიანობით, ჩვენი რწმენა განმტკიცდება და ის რწმენა, თუ ვის უნდა ჰქონდეს ეს თავისუფლება. დღეს, სიონის საკათედრო ტაძარში, რომელიც ათასი წლის წინ აშენდა, პატრიარქს ვეწვიეთ. ეს არის სიმბოლო ათასწლეულის რწმენის, რომელიც ამ ქვეყანას აძლიერებდა. წმინდა წერილის ერთ-ერთი ნაწილი გამოწვევებით აღსავსე პერიოდში მახსენდება – ღმერთის რწმენა თავისუფლებაა და ამას უნდა ვითვალისწინებდეთ ყველა ძალისხმევაში და ეკონომიკური, თავისუფლების თვალსაზრისით ყველა ჩვენი ნაბიჯის გადადგმისას. დარწმუნებული ვარ, ერთ დღეს, ჩრდილოატლანტიკური ორგანიზაციის წევრობის თვალსაზრისით, მოკავშირეები გავხდებით. ამას რწმენის, საკუთარი თავის, ნაბიჯების რწმენით და ამ ძველი მიწის ამაყი ხალხის სიძლიერის რწმენით ვაკეთებთ. დარწმუნებული ვარ, ამერიკა და საქართველო მომავალში ერთად თავისუფლები იცხოვრებენ“, – განაცხადა მაიკ პენსმა.
თქვენს გვერდით ვდგავართ, რადგან ქართული ანდაზა ამბობს – “ძალა ერთობაშია“
2017/08/01 17:58:18
კომენტარები
ნანახია: 1213 ჯერ