საქართველო ამერიკის შეერთებული შტატებისთვის საიმედო და სანდო მოკავშირეა, – ამის შესახებ ევროპასთან ინტეგრაციის კომიტეტის თავმჯდომარემ თამარ ხულორდავამ განაცხადა.
როგორ ხულორდავა აღნიშნავს, ხელისუფლების პრიორიტეტია აშშ-სთან თანამშრომლობის ამ უპრეცედენტოდ მაღალი ხარისხის კიდევ უფრო გაღრმავება.
„ამას ემსახურება ჩვენი ყველა ნაბიჯი, ვიყენებთ ყველა შესაძლებლობას, შეიძლება ითქვას, რომ ამისთვის ჩვენ თვითონ ვქმნით ახალ შესაძლებლობებს. ჩვენი მუშაობის შედეგიც სახეზეა. საკმარისია მაგალითად მოვიყვანოთ აშშ-ის ვიცე-პრეზიდენტის გუშინდელი ვიზიტი საქართველოში; საკმარისია გავიხსენოთ ის შეფასებები, რაც მისგან მოვისმინეთ საქართველოს სუვერენიტეტის და ტერიტორიული მთლიანობისადმი ამერიკის მხარდაჭერის სახით. საკმარისია გავიხსენოთ მისი მტკიცე მხარდაჭერა ჩვენი ევროპული და ევროატლანტიკური ინტეგრაციის მიმართ. საკმარისია გავიხსენოთ მისი უმაღლესი შეფასება, თუნდაც ჩვენი ორმხრივი ურთიერთობის მზარდ დინამიკასთან დაკავშირებით ბოლო ხუთი წლის განმავლიბაში.
საქართველო ამერიკის შეერთებული შტატებისთვის საიმედო და სანდო მოკავშირეა და საქართველო არ არის მარტო რუსეთის აგრესიის პირისპირ“, – განაცხადა თამარ ხულორდავამ.